Jowai, Nailur 23: Ka lympung ïalehkai ‘U Kiang Nangbah Memorial Trophy’ Super Division Football Tournament-2022 bala pynïaid da ka West Jaiñtia District Sports Association (WJDSA), ha madan Kiang Nangbah Stadium Dongmih sngi mynta ka sngi, na ka liang ka kynhun ïalehkai jong ka Ladthadlaboh kala ïoh ban rung syndon sha ka jingïakhun phainal hadien ba kala pynliem da 1-0 kol 7 Wasa.
Ka jingïakhun hapdeng kine ki ar khynhun kala long kaba ïakhait bha naduh jong ka kylla step tad haduh jong ka kyllamiet kine ki kynhun kim shem la ïoh ban pynkhih ïa ka jar bad kane ka jingïakhun jong ki kala pynhun shisha ïa ki riewieit phutbol kiba la wan ban sakhi ïa ka jingïalehkai Semi Final.
Hynrei dei ha ka minit kaba 92 jong ka Extra Time ka Ladthadlaboh kala ïoh ban thep ïa katei ka shikol lyngba u Edious Laloo lyngba kane ka kol kala pynlong syndon ïa ka Ladthadlaboh ban long ka nongjop bad bun jaka syndon ïalade ha ka jingïakhun ‘Final’ jong kane ka lympung.
Katba ha ka jingïakhun ‘Semi Final’ kaba ar kan long lashai ka sngi 24 tarik u Nailur ha ka por 2 baje shiteng nohphai sngi hapdeng ka kynhun ïalehkai jong ka Mynthong pyrshah ïa ka Nangbah Mulang. Ki kynhun ba jop nangne kin ïakhun phainal bad ka Ladthadlaboh.
