Khliehriat, Nailur 13 : U Deputy Commissioner (supply), East Jaiñtia Hills District, u pynbna paidbah ba ka kam die rashon (Fair Price Shop Dealer) bad ka umphniang sharak (S.K Oil retailer) ha East Jaiñtia Hills District kan kut noh ha ka 31 tarik u nohprah 2022, kumta lada don kino kino ki nongshong shnong, ki Society, ki Self Help Group (SHG) kiba na East Jaiñtia Hills District kiba kwah ban plie ïa ki dukan ban long kum ki Fair Price Shop Dealer na ka bynta San snem kata naduh u snem 2023 hasuh 2027 ki lah ban buh ïa ki application jong ki ha ophis jong u Deputy Commissioner East Jaiñtia Hills District Khliehriat.
Ïa ki application form lah ban ïoh na ka ophis u Deputy Commissioner (supply) East Jaiñtia Hills District Khliehriat bad ki kot ki sla kiba dei ban Suh lang bad ka application form ki long ka Court Free Stap kaba T 25 tyngka, ka rai jong ka Dorbar Shnong, ka kyrteng ki dkhot jong ka Vigilance Committee bad ki phone number jong ki, ka syrnot schedule tribe, ka epic card, ka Bank Account number (da kaba Xerox), ïa ka sla(page) kaba shakhmat jong ka pass book kaba pyni ïa ki kyrteng bank account, ka dur shiteng ( pass port size) ar tylli, mobile number, ka Bank security deposit kaba T 5000 tyngka bad u Aadhar number.Ki Fair Price Shop ( FPS) baroh ki dei ban pyntreikam noh ïa ki kor computer electronic point of sale ( ePOS) device bad ban buh Sign Board.
Shuh shuh, ki dkhot shnong lane ki vigilance committee ki dei ban kit khia ha ka ban phah ïa ki application bad ban pynpoi ïa ki sha ophis u Deputy Commissioner (supply) East Jaiñtia Hills District ha lane shwa ka 30 tarik u nailur 2022 khnang ban lait na kano kano ka jingdkhoh ha ka ba sam ïa ki mar bam mar dih, kumjuh ruh ïaka umphniang sharak.
La bthah bad pynshai ruh ba ki Waheh shnong bad ki Secretary Shnong kim lah ban long ki Dealer, namar ki Waheh shnong bad ki Secretary Shnong ki dei ban peit thuh bha ïa ki nong apply ba ki dei ban long kiba biang ha ka liang ka pisa ka tyngka, kiba biang ïa ka jaka buh tiar bad jaka buh umphniang sharak bad ki dei ruh ban long kiba nang ban thoh ban tar.
Ïa ka application ki bym pat biang katkum ki kyndon ba la kdew ha neng yn ym lah ban pdiang.
