Shillong, Nailur, 04: Ha ka step sngi U Blei ha ka por 4 baje eiei mynstep, kawei ka trok kit dewiong kaba don ïa u nombar ML 06-A-0245, kaba wan na Laitryngew ban leit sha Byrnihat ka la kylla khongpong harud surokbah 101 Area, Upper Shillong.
Ha kane ka jingjia, u nongniah jong kane ka trok ïa uba la ju khot sin ku mu Bahdeng uba la phet krad ïalade bad iehnoh shadien ïa kane ka rok.
Ha ka jingtohkit, ym shym la don satia mano mano ba mynsaw.
Tang hadien katto katne por, la wan poi u trai jong ka trok u Bah D.Mawlong. Hynrei haba u Nongthoh khubor u la pyrshang ban ïakren bad une u trai Trok u la ïathuh ba la kit ïa une u dewiong na Laitryngew bad la thmu ban leit pynhap sha Byrni.
Ka jingkylla jong kane ka trok harud surok ka la wanrah ïa ka jingdheng kali ha ka thain Upper Shillong. Ki bor Pulit kiba la ïoh jingtip halor kane ki la pyndonkam da ki kali khwai ban tan noh ïa kane ka trok sha thanad bad ban pyllait ïa ka jingdheng kali.
