Shillong, Nailur 4 : Sa kawei pat ka jingjia kaba la pynsuba jur ïa ka jingiap jong kawei ka samla Garo ha nongbah Delhi da kaba sdien phasi ha ka ïing sah wai jongka ha ka 3 tarik Nailur 2022.
Kane ka samla kaba 26 snem ka rta ka dei ka Hamera Momin na ka shnong Sakware hajan Adokgre, Kharkutta, North Garo Hills.
Hadien ba la shimti ia ka met, ki pulit na Mehrauli Police Station ki la pyntip sha ki pulit ka Meghalaya halor kane ka jingjia.
Kane ka samla ka la trei ha nongbah Delhi la katto katne snem. Ym tip ha kano ka rukom ka la jia tangba ka don ka jingsuba jur ba ka lah ban dei ka kam ba shah pyniap ha ki riewsniew ruh. Ki pulit ka jylla ki dang ia pynbeit bad ki pulit ka Mehruli ban pyndep ïa ki jingdonkam baroh.
Kane ka samla ka la leit trei sha Delhi bad ieh sha Garo Hills ïa u kurim bad i khun jongka. La kham slem ka khlem wan peit shuh ïa ki.
