Shillong, Nailur 04: Ka kong M. Lyngwa District School Education Officer (DSEO) jong ka East Khasi Hills ka la phah da ka jingthoh sha baroh ki Principal jong ki skul ha East Khasi Hills ban nym shah ïa ki khynnah ba dang rit rta ba kin wan sha skul da ki kali ar shaka.
Kane ka jingbthah ka long katkum ka jingbthah jong ka committee jong ka ïing bishar kaba ha khlieh duh jong ka Ri India ka Supreme Court na ka bynta ka jingshngaiñ haba ñiah kali bad kumba la bthah ruh da ka distrik kommittee ban pyntrei kam ïa ka jingbthah na ka ïing bishar kaba ha khlieh duh ka Ri India.
Na ka ophis jong ka District Transport Ophisar, ka la phah da ka jingthoh sha ka ophis jong ka DSEO jong ka East Khasi Hills haba ïa dei bad ka jingkhang lad ïa ki khynnah ban wan sha skul da ki kali ar shaka ha ka 10.08. 2022 bad ka ophis jong ka DESO ka la pynmih ïa ka hukum ha ka 17/08/2022.
Ha ka shithi kaba la phah sha baroh ki Principal jong ki skul la thoh shai ba kim dei ban shah ïa ki khynnah skul ba kin wan sha skul da ki kali ar shaka.
