Ka jinglong thait kaba neh lynter ka dei ka buh jingeh ka koit ka khaih bad kane ka long na ka daw ka j ingduna katto katne ki jait vitamin kaba pynthait pyntlot ïa ka met. Ki don bun ki daw ha lyndet ka jinglong thait. Ka jingduna thiah, ka jingduna ban pynkhih ka met ka phad bad ka jingduna ban jied ki jingbam ba tei ka lah ban wallam ka jinglong thait. Kane ka jinglong thait ka lah ruh ban long ka daw halor ka jingduna jong ki katto katne ki jait vitamin.
Ki don bun kiba ïaidlait bad kiar na ki dak ba paw halor ka jingduna ban don ka vitamin ha ka met. Lada phi mad ka jinglong thait manla ka sngi, kine harum ki lah ban long ki daw halor ka jingduna ki katto katne ki vitamin.
Vitamin B12 : Ka Vitamin B12 ka long kaba kongsan halor ka jingpynmih ki red blood cells bad DNA. Ki long kiba kongsan ruh halor ka jingtreikam hapoh ka bor jabieng. Lada ka met jongngi kam shym la lah ban pynmih bun ka vitamin B12 phi lah ban wallam ka jinglong thait bad long ngiah. Ka wallam ruh ka jinglong tlot. Ka Vitamin B12 ka lah ban ktah halor ka jingpynmih ki red blood cells kaba lah ban tah halor ka jingshalan ka oxygen sha baroh kawei ka met. Kane ka wallam pat ka jinglong thait. Ki jingbam ba ngi lah ban ïoh kane ka vitamin ki kynthup ka dohkha, doh, pylleng, salmon bad ki katto katne ki jingbam symbai.
Ka Vitamin D : Ka Vitamin D ka dei kaba la ju tip ruh kum ka sunshine vitamin na ka bynta ka jinglah ban treikam bha hapoh ka met. Ka long kaba kongsan na ka bynta ki shyieng bad ki bniat hapdeng ba ka pynjur ka jingkjit ka calcium kaba ngi lah ban ïoh lyngba ki jingbam ba ngi bam. Ka dei kaba kongsan ruh halor ka jinglah ban treikam bha hapoh ka met. Ka jingduna ban don ka vitamin D ka lah ruh ban wallam ka jinglong thait. Kham bunsien la kham kiar halor ka jingkhmihthuh ba ïadei bad ka jingduna ban don kane ka vitamin. Ka la don ruh ka jingpynpaw halor ka jingdon jingïadei halor ka jingduna ban don ka vitamin bad ka jinglong thait bad ngiah.
Ka jingshai jong ka sngi ka long kawei napdeng ki thymmei halor ka jinglah ban ïoh ka vitamin D. Ka met jongngi ka lah ban pynmih ka vitamin lada ngi pynshah sngi. Ki jingbam ba ngi lah ban ïoh ka vitamin D ka dei ka salmon, ka khangai pylleng, ka tit bad kiwei de ki jingbam bay m pat saiñ satia.
Ka Vitamin C : Ka vitamin C ka long kaba kongsan halor ka jinglah ban tei ka bor met. Ka dei kaba lah ruh ban ai jingmyntoi na ka bynta ka sniehdoh bad u ñiuhkhlieh. Kawei napdeng ki dak halor ka jingduna ban don ka vitamin C ka dei ka jinglong thait bad long ngiah. Ka Vitamin C ka long kaba kongsan halor ka jingkjit ka iron na ki jingbam ba ngi bam bad ka long ruh kaba kongsan halor ka jinglah ban thaw bad treikam na ka bynta ki red blood cells.
Ki soh Kiwi ki dei kiba dap ka jingdon ka vitamin bad ka fibre, sohtrun, u soh trun, soh kynphor, strawberries, watermelon bad u sohpieng.
