Shillong, Nailar: U Joint Director of Health Services (SS), Civil Hospital, Shillong da kane u pyntip ba ym pat shym la don ba wan kam ïa ka met ïap jong uwei u nongpang u ba la khlad noh ïa u ba la tip kyrteng kum u Rockstar Ryntathiang, 29 snem rta u ba shong ba sah ha Langkyrding, Shillong. Une u briew u la wan shah sumar hapoh kane ka hospital, kata ha Covid-19 Observation Ward (Female Medical Ward), ha ka 31.07.2022 ha ka por 12:30 pm hynrei u la khlad noh ha ka 31.07.2022 ha ka por 02:40 pm.
Kumjuh ruh na ka liang utei u heh ba dei khmih jong ka Hospital u pyntip ba ka don kawei pat ka metïap jong u nongpang ba la khlad noh ïa u ba la tip kyrteng kum u Binod Thapa, 40 snem rta u ba shong ba sah ha Nongmensong, Shillong. Une u briew u la wan shah sumar hapoh kane ka hospital ha ka 12.08.2022 ha ka por 9:13 Am bad u la khlad noh ha ka 12.08.2022 ha ka por 11:00 am.
Kumta la kyntu ïa ki ba haïing hasem bad kiwei pat ki ba don jingïadei bad kine ki briew ba la khlad noh ba kin wan shimti noh mardor ïa kine ki met ki ba don mynta hapoh ka jaka buh metïap jong kane ka hospital shwa ban aiti noh sha ka Shillong Municipal Board ba kan leh ïa kaba donkam.
