Mawkyrwat, ‘Nailar 12: Ka jingpynkhreh jong ki kyrtong ban ïa ai reng na ka bynta ban long ki nongmihkhmat ha u snem 2023 ha kine ki sngi ka la ïaid shait shait ha kaba uwei na ki samla rangbah, u bah Banpynskhemlang Wahlang uba shong ba sah ha ka Dong Kyntoit Lait-Mawbah na ka shnong Jakrem, South West Khasi Hills District ha kane ka kynti u don ka jingthmu ban long kum uwei na ki kyrtong shimet ne Independence Candidate napoh ka Mawkyrwat Constituency.
Haba kren ha ki lad pathai khubor ha ka Press Conference, u bah Banpynskhemlang Wahlang u la ïathuh ba ka jingthmu jong u ban ïa ai reng ha kane ka elekshon jong u snem ban wan kum u kyrton shimet bad ka long beit da ka jingkwah jong u shi met ryngkat ka jingaimynsiem jong ki paralok jong u. “Ha kaba ïa dei bad ka party ne ka symbol u la kren shai ba haduh mynta ym pat don kano kano ka rai hynrei un dang ïaid shwa kum u kyrtong shimet”, ong u bah Banpynskhem.
Ha kajuh ka por u la ong ba kane ka jingpynpaw jong u ha ki lad pathai khubor ka long ba ki paidbah kin ithuh ba u u don shisha ïa ka jingthmu bad shynrang mynsiem ban ïeng kum u kyrtong ha kane ka elekshon 2023.
Shuh shuh ha ka jingkren jong u, u la pynpaw ruh ïa ki katto katne ki jingthmu da kaba u ong, “ngan sa leh bha ïa ki briew katba lah ei i bor ba rit jong nga bad haduh mynta ruh ngam pat kular ei ei ruh em ha ki paidbah namar ki paidbah hi ki kham stad ban ïa ki kyrtong’, u la ong.
