La rakhe ïa ka “World Oral Health Day, da ka jingai jingsumar ei da ka tnat Dentistry, NEIGRIHMS

Shillong, Lber :Shi bynta ka jingrakhe ïa ka “World Oral Health Day,” ka tnat Dentistry, NEIGRIHMS ha ka 24 tarik mynta u bnai ka la pynlong ïa ka ‘Oral Awareness Camp’ ha Reach Shillong Ministries, ka prokram ka ba hap hapoh ka jingpeit Sarva Shiksha Abhiyan Mawarliang, Laitkor.
Ha kane ka sngi, la ai jingsumar ei ïa ki bniat na ka bynta ki khynnah pule. Na ka liang u Prof (Dr) S. Vijay Singh HoD, Dentistry Department, u batai shaphang ka jingdonkam ban lehkhuid ïa ki bniat bad shyntur/ktien.
Katba na ka liang I Dr Alice Lyngdoh, Dental officer bad ka Monalisa Das, Dental hygienist ki ai jinghikai ïa ka rukom shut bniat ïa baroh ki khynnah pule katei ka skul. La pynlong ruh ïa ka jingïakop dro postar halong ka phang, “Sarong ïa la ka shyntur”. ïa ki nongjop la sam khusnam da ki syrnod bad ki prais. Nalor kata sa sam ruh ïa ki consolation prais ban ai mynsiem ïa ki khynnah pule.