Khliehriat Lber 24: U District Magistrate jong ka East Jaiñtia Hills District, ha ka hukum ba la pynmih myn ha ka 22 tarik mynta u bnai, u la pynbna ba la pynjari ïa ki kyndon aiñ jong ka 144 CrPC hapoh ka district khnang ban dup lah ban the lakam ïa ka jingtih dewiong bad jing khaiï dewiong beaiñ bad kane ka hokum ka la trei kam mynta tat haduh ban da pynbna da kumwei pat.
La ong ba ka la don ka jingkynnoh ba ka la don ka jingtih dewiong bad jing khaiï dewiong beain ha ki jaka bapher bapher ha East Jaintia Hills District ha kaba ha ka jingshisha katkum ka hukum jong ka iïng bishar ba ha khlieh duh, ka Superme Court bad ka National Green Tribunal ki la khang pyrshah ban tih bad ban shalan beaiñ ïa u dewiong bad ka ophis u Deputy Commissioner ruh ka la sdang ban peit bniah bha ïa ki jaka ba lum thup beaiñ ïa u dewiong bad don ruh ki dewiong kiba la kurup noh.
