Shillong, Lber, 24: Ki Sengbhalang bapher bapher ha ka sngi Palei ki la phah ïa u kyrwoh kitbok kitrwiang ïa ki samla pule kiba ïakhun ïa ka eksamin SSLC bad HSSLC kiba la sdang naduh mynta ka sng ba la pynlong da ka Meghalaya Board of School Education (MBoSE).
Ha u kyrwoh ba la phah da ka United Hynñiewtrep Movement (UHM) lyngba u Public Secretary ka Education Cell u Samla Moonstar Nongrem, ka KSU Nongmensong Unit ki la kyntu ïa ki khynnah skul ba kin ïai trei minot khnang ba kin ïoh kheit ïa u soh jong ka jingjop khnang ba kin dup long ka jingsarong ïa ka ing ka sem, ïa ka shnong ka thaw bad ïa ka jaidbynriew baroh kawei.
