Shillong, Nailar : U Additional Deputy Commissioner (S), i/c Sohra Civil Sub Division da kane ka pyntip ba ïa u khaw rashon Public Distribution System Rice la pyllait na ka bynta u bnai Naitung 2022 ha ka jingthew ka ba 35 kilo shi card ha ka dor T.3/- shi kilo na ka bynta ki ba don ïa ki card AAY, 5 kilo shi khlieh ha ka dor T. 3/- shi kilo na ka bynta ki ba don ïa ka card PHH bad 7.215 kilo shi khlieh na ka bynta ki ba don ïa ka card Non-NFSA ha ka dor ba la pynbeit da ka Vigilance Committee ka ban ym palat ïa ka dor T. 15/- shi kilo.
Nalor kane ka bhah ba ju sam, na ka liang ka sorkar ka la pyllait ruh ïa u khaw bym donkam siewdor lyngba ka skhim PMGKAY ha ka jingthew ka ba 5 kilo shi khlieh na ka bynta ki ba don ïa ka card AAY bad PHH na ka bynta u bnai Naitung 2022.
