10 lak ai u Bah Sniawbhalang bad 2 lak tyngka ai u Bah Wailad sha ka KJP Assembly
Shillong, Naiwieng 18: U Symbud Myntri Rangbah ka Jylla, u Bah Sniawbhalang Dhar, u la pyni ïa ka jingkyrshan bad ka jingnoh synñiang jong u da kaba ai haduh T. 10, 00, 000 (Shiphew Lak tyngka) sha ka KJP Assembly na ka bynta ban kyrshan ïa ka jingpynlong ïa ka Gospel Concert.
Ïa ka kynhun jong ka KJP Assembly la ïalam da u Rev. GS Lytan, Rev. M Shylla Sr Adminitrative Secretary, Rev. S Diengngan Adminitrative Secretary kila ioh lad ban ïa kynduh bad u Bah Sniawbhalang Dhar uba dei u Symbud Myntri Rangbah ka jylla bad ïa u Bah Weiladmiki Shylla u Myntri ba peit ïa ka kam ïalehkai ban pynpaw ka jingsngew nguh.
Ka jingkloi ban kyrshan bad ïarap sha ka jingshakri jong ka Balang ha ki por baroh, ha kane ka kynti u Bah Sniawbhalang u la noh synniang T. 10 lak bad u Bah Wailadmiki u la noh synniang T.2 Lak na ka bynta ki kam bad ki project jong ka KJP Assembly.
Kane ka jingai synñiang ka long ka jingkyrshan kaba khraw, ban pynroi ïa ka jingrwai Khristan, ban pynskhem ïa ka jingngeit bad ban pynlong ïa ka jingïalang kaba pyniasoh ïa ki riewngeit lyngba ka jingrwai bad ka jingiaroh ïa U Blei.
Ka jingkyrshan jong ki nongïalam ka long ka jingai mynsiem ïa ki kynhun bad ki riewngeit ban bteng ïa ki kam kiba kyntiew ïa ka jingngeit, ka jingïatylli bad ka jingshakri ïa ka imlang sahlang.