Jowai, Lber 24: Shi bynta ka jingpynlong ïa ka sngi ñiew vote naka bynta ka Nartiang bad Shangpung Doloiship Election ka ban long lashai ka sngi 25 tarik u Lber, 2022 ka ban sdang naduh ka por 9 baje shiteng mynstep ha MDC Hostel Riatsiatsim.
Na ka liang u Superintendent of Police ka Weat Jaiñtia Hills u Bikram D. Marak ula pyntip ba ka tnad pulit ba pynïaid kali (trafic) kala pynbeit ïa ka rukom ïaid ki kali naduh ka por 7 baje mynstep haduh ba kut ka jingñiew vote.
La pyntreikam ïa ka “One Way” naduh Stand War shaduh Amlarem. Baroh ki kali na wan sha kane ka jingjied dolloi ki dei ban pynïeng ha u surok ba leit sha Mynthong. La buh “No Vehicle Zone” ha ki bynta ka MDC Hostel.
Baroh ki kali ba wan na Amlarem ki dei ban ïaid lyngba ka surok Amlarem Bypass.
Ym shah ban pynïeng kali “No Parking” ha shi lynter ka surok Amlarem Road (Riatsiatsim). La buh “No Entry” ha u surok Riatsiatsim sha duh stand war bad ha surok ba leit sha MDC Hostel (jaka ñiew vote).
