Khliehriat,Lber 24: Ka Society (I.V.C.S) Integrated Village Co-Operative Society ha ryngkat bad ka Dorbar shnong Lumshyrmit ki buh ka jingpynbna ba ïa ki jaka jngohkai pyrthei kiba don hapoh shnong yn plie paidbah noh naduh ka 25 tarik u lber 2022, namar ïa ki jaka jngohkai pyrthei ha shnong la khang shwa shi por, kata naduh u bnai Kyllalyngkot na ka daw ba ki nongtrei ki dang pyntrei ban pynbha pynmiat ïa ki jaka jngohkai pyrthei kiba don hapoh shnong khnang ban kham pynsuk ïa ki paidbah.
Shuh shuh, kum ka jingpyntip, ba ha shnong Lumshyrmit East Jaintia Hills District ka don ka kshaid Latang (Latang Falls), ka kshaid Thwai Thlen, kiba itynnad, ka Kremlabit ( Labit Cave), bad ka mariang kaba itynnad, kiba bun ki nongjngohkai pyrthei bad ki riew ieid mariang ki ju wankai sha shnong Lumshyrmit bad pynsngewbha ialade bad ka mariang.
Sa shisien pat, na ka liang ka Ka Dorbar Shnong Lumshyrmit lem bad ka Integrated Village Co-Operative Society ki pdiang sngewbha ïa baroh kiba wankai sha shnong kiba wan ban jngoh kai ïa ka mariang bd ki jingitynnad kiba don ha pneh ka mariang sawdong.
