Pynbna u Myntri Rangbah da ka skhim ïarap pisa ïa ki nongkhaïi die madan kiba mad jingeh naba duna pisa

Shillong, Naiwieng 13: U Myntri Rangbah ka jylla Meghalaya, u Conrad K Sangma, u la wanrah da ka “Repair, Renovation and Operationalization Scheme of Tourism Properties” na ka bynta ka 39th National Games, 2027 bad u la sam da ka jingïarap ban ai da ka pisa hapoh ka jingpeit jong ka skhim pynroi ïa ki jaka shongthait kum ki jaka leit pynjhieh, jaka jngohkai bad kiwei kiwei iaki nongseng kam lajong ha ka prokram kaba la pynlong ha Banquet Hall jong ka Pinewood Hotel, Shillong.
Ha katei ka prokram, u Conrad u la ai ka jingkren ha kaba u la ong ba kane ka skhim ka dei na ka bynta ki ar tylli ki jingeh kiba ki nongkhaïi kiba marjan bad ka surok bah ki ïakynduh, kaba kynthup ïa ka jingduna pisa ban sdang ïa ka kam bad kawei ka jingtieng ban pynlut pisa namar ba ka kam jngohkai ka kheiñ katkum ka por lane ka sngi.
U la ong ba kaba pynkhring ïa ka jylla Meghalaya ka la saphriang sha kylleng ki 12 tylli ki distrik. Katba ki nong jngohkai pyrthei kiba na ka nongbah Shillong kiba leit sha Sohra, Dawki, Nongstoin, Jowai lane Tura ki donkam ïa ki jaka shongthait ba kin shong bam, shongthait bad pyndonkam ïa ki jaka ba leit pynjhieh haba ki leit jingleit, kane ka long kaba donkam bha na ka bynta jong ki nong jngohkai pyrthei ba dei ban don kum kine ki jaka shongthait kumjuh ruh ïa ki nongleit nongwan.
La don ki jaka ba kum kine kynthup ïa ki jaka um pynjhieh, ki jaka ïeng kali ba shngaiñ bad ki dukan sha dukan ja kiba pynlong ïa ki nong jngohkai pyrthei ba kin sngew shngaiñ, bynrap u Myntri Rangbah.
La ong ba la don ka jingïarap bei tyngka kumba T. 5 lak na ka bynta uwei pa uwei u nongïoh jingmyntoi ba dei u trai shnong uba la pynïaid ïa la ka kam ka jam bad kine ki nongïoh jingmyntoi ki don 47 haduh 48 ngut kiba shah jied ban shna ïa ki jaka shongthait ha ki surok, kaba mut ha ka jingkheiñ kyllum, ka poi kumba T. 2 klur.
Kine ki nongïoh jingmyntoi ki dei kiba la don lypa ïa ki jaka bam jaka dih, dhaba, cafe, dukan bam bad ki jaka ban sangeh shongthait ha ki surok bah, ki surok bah jong ka jylla bad ki surok jong ki distrik ha kylleng ki khyndai tylli ki distrik jong ka jylla.
Kane ka jingïarap bei tyngka ka dei na ka bynta ban pynroi ïa kum kine ki jaka kiba ki nong jngohkai pyrthei bad ki paidbah nongleit nongwan ki pyndonkam, ki jaka shong bad ki kamra shet, ki jaka ai um pynjhieh kiba khuid ba suba, ki jaka ïeng kali kiba la buh dak bad kiwei kiwei kiba dei ban don ha kine ki jaka.
Man la uwei pa uwei u nongïoh jingmyntoi uba dei u trai shnong bad uba la don lypa ïa ka kam ba pynïaid ïa ka. Kane ka jingïarap pisa kan pynkhlaiñ shuh shuh ïa ki kam kiba la don lypa ka jingdonkam ne ka jingdawa jong ki paidbah, ban ïa kaba sdang thymmai naduh ba sdang.
Ki nongïoh jingïarap ki dei ban pyndep ïa ki kam kiba la pynkupbor ha ka por ba la buh, ban bat bad pynkhuid bha ïa ka jaka, ka jingsuba bad ka jaka shngaiñ ban pynïeng kali bad ban plie ïa ki jaka ai um pynjhieh ban lah ban pyndonkam da ki nongleit nongwan.
Ki dei ban pynïaid ïa kane ka jaka shakri kaba kham duna san snem, katkum ka kular jong ka skhim bad kiwei kiwei, kynthup ruh ban pynpaw ïa ka dak jngohkai pyrthei ka jylla Meghalaya bad ki jingtip jong ka helpline na ki nongleit nongwan.