Ha ki 8 snem ba la leit ka sorkar ka la pynmih haduh 2090 tylli ki kam hikai ha ka jylla: Lahkmen

Shillong, Naiwieng 13: U Myntri ka tnat Pule Puthi ka jylla u Bah Lahkmen Rymbui u la ong ba haduh u snem 2018 ki nonghikai sorkar ha ki College ki don tang 270 ngut ha ka jylla Meghalaya hadien ka 2018 haduh mynta ka sorkar ka thung 2087 ngut ki nonghikai kynthup ïa kiba dang thung thymmai.
U Myntri ka tnat Pule ula ong ba san phew tylli ki snem ki don tang 2070 ki kam hikai ha ki Kolej jong ka sorkar, hynrei ha ki phra snem la pynmih haduh 2090 tylli ki kam nonghikai la pynmih, na kine 519 tylli ki kam la pynmih tang ha ki People’s College.
La ïathuh ba na ka bynta Captain Williamson Sangma State University la pynmih 150 tylli ki kam hikai, ha Engineering College, ha ka College Architecture na Urban Planing, Kiang Nangbah College bad ha ki phra snem la pynmih kam palat ïa ka shihajar tylli ha ka jylla Meghalaya.
U Myntri ka tnat Pule u la ai khublei ïa u Myntri Rangbah ka jylla ïa ka jingleh ka jong u ha kane ka bynta bad kaei kaba ki sngew ka long ba ki don ka jinghun haba ki trei ïa ka kam.