Ha ka CM-Connect dawa ki jaitbynriew Lalung ban ithuh noh kum ki ST

Nongpoh, Naiwieng 08: Ki jaitbynriew Lalung (Tiwa) haka thaiñ Amjong, ba hap ha Mawhati konstitwensi, Ri-Bhoi District kila shim ïaka kabu ban dawa ithuh syndon ïaki kum ki Schedule Tribe haka CM-Connect ka jingïakren markhmat bad u Myntri Rangbah ka jylla u Conrad K Sangma.

U wei naki nongmih khmat katei ka jaitbynriew haba pynpaw ïaki jingeh hakhmat u Myntri Rangbah u la ong ba kane ka jingdawa ST ka dei kaba la slem bha kaba la don mynta kumba 26 snem eiei, bad kum ki jaitbynriew ba shong ba sah haka jylla Meghalaya kila buh ka jingkylli kaei ka daw kaba la pynslem ïa kane ka jingdawa ban ithuh noh kum ki ST.

            Naka liang u Myntri Rangbah ka jylla u Conrad K Sangma u la pynpaw ba ki don bun ki jaitbynriew kiba dawa Schedule Tribe bad kane ka kam yn sa shong da ka komiti ban bishar ïa kiba dei hok ban ioh bad ruh ban ïakren bad ka sorkar India.