Nongpoh, Naiweing 08: U Conrad K Sangma Myntri Rangbah ka jylla haka jingleit iuhkjat jong u haka sien ba nyngkong ïaki shnong bapher bapher haka thaiñ Mawhati u la shah pdiang sngewbha haki paidbah ka shnong Mawrathud kaba dei kawei naki jaka kaba itynnad naka jingdon jong ka mariang kaba jyrngam bad ruh ka jingdon jong ka Wah Umiam.
Naka liang u Conrad u la ïaroh ïaka jingitynnad jong kane ka jaka kaba ki paidbah katei ka thaiñ kila angnud ban pynlong kum kawei naki jaka jngohkai pyrthei ban khring ïaki paidbah bad khamtam ban kyntiew ïaka ioh ka kot ha katei ka thaiñ lyngba ka kam jngohkai pyrthei.
