Shillong, Naiwieng 04 : U MLA ka NPP na West Shillong Bah Paul Lyngdoh ula wan phai biang sha ka kynhun Myntri ka Sorkar u Conrad K Sangma bad ioh bat biang ïa kijuh ki tnad ba u khmih hashwa ban shah weng kum u Myntri ha u snem bala lah.
Kat kum ka jingpynbna bala pynmih da ka Cabinet Affairs Department ha ka 3 tarik u Naiwieng, 2026, u Bah Paul ula ioh khmih biang ïa ka Tnad Tourism, Social Welfare bad Arts & Culture.
Ka hukum ka ong ba kane ka jingai bhah kam ka wan kum ka jingpynkylla ba malu mala ïa ka hukum ba pynmih ha ka 16 tarik Nailur, 2025.
Ïa u Bah Paul Lyngdoh la pynrung biang sha ka Kynhun Myntri ha ka sngi Nyngkong, tang da ki snem hadien ba ma u bad arngut ki MLA barim ka UDP kila leit iasoh bad ka NPP.
Ka jingpynbna kala pyntip ruh ïa ka bhah kam bala ai sah ki arngut kiwei pat ki Myntri Sorkar.
U MLA ka NPP Timothy D Shira, uba dang ioh ban khmih ïa ka Tnad Agriculture & Farmers Welfare, ula ioh ruh mynta ban khmih ia ka Tnad Power bad Water Resourdes-ki tnad bala bat mynshuwa da u President ka UDP Bah Metbah Lyngdoh, uba la iehnohkam kum u Myntri Sorkar hadien ka jingphet seng ki 11 ngut ki MLA.
