Shillong, Naiwieng 3: Ka sienjam ba la shim da ki MDC jong ka TMC ban leit pynïasoh noh ïa lade sha ka National People Party (NPP) mynta ka 4 tarik u Naiwieng hato kadei ka jingtip lang jong u Dr Mukul Sangma ne em uba dei u nongïalam ka liang pyrshah hapoh ka ïing dorbar thaw aiñ jylla.
Lada kine ki lai ngut ki MDC ki ban ïasoh bad ka NPP kidei ba la tip da u Dr Mukul hato kan don ne em ka jingkylla ha ka sain pyrthei hapoh ka jylla Meghalaya
Ki lai ngut ki MDC ka TMC ki ban pyniasoh sha ka NPP kidei ki MDC kiba dei ki Executive Member hapoh ka Executive Committee kaba la ïalam hi da ka National People Party.
Ka NPP kan pdiang sngew ïa kine ki MDC ka TMC mynta ka sngi bad kumjuh ruh ïa u DC barim jong ka West Khasi Hills ha ka por 4 baje janmiet ha ophis trei kam ka party kaba don ha Polo Hills.
Kine ki lai ngut ki MDC ka TMC kiba dei ruh ki Executive Member ha GHADC ki ktnthup ia u Alphonsush R Marak uba dei u MDC na 29 Williannagar GHADC Constiruency, Agassi R Marak uba dei u MDC ka 17 Balachanda GHADC Constiruency, u Cherak Watre Momin u MDC ka 26 Kharkutta GHADC Constiruency.
Nalor kane, ka NPP kan pdiang sngewbha ruh ïa u Deputy Commiccioner ka West Khasi Hills District uba la ju bat teng ruh kum u Director jong ka Directorate of Mineral and Resources (DMR) jong ka sorkar jylla u Pius D Sangma.
