Jowai, Naiwieng 03: Ka lympung ïalehkai phutbol ‘Hajan Shylla Memorial Football League 2026’ jong ka kyrdan ‘1st Division’ bad ka kyrdan ‘Super Division’ kaba la tip kum ka ‘Kesilroy Memorial Football League 2026’ kaba la long mynta ka sngi 3 tarik u Naiwieng 2026, bala pynïaid daka Thadlaskeiñ Sport Association (TSA) ha madan Wahïajer Multi Sports Complex Stadium.
Haba phai sha ka jingïakhun ba nyngkong jong ka kyrdan ‘1st Division’ ka kynhun ïalehkai jong ka Dongmihsngi SC kala jop da 2-1 kol ïaka Friends United, ïa ki kol naka Dongmihsngi SC la thep da u Jonathan Dkhar haka minit ba 25 & 71. Ïa ka shikol na ka Friend United la thep da u Deibhami Bhoi haka minit ba 21.
Katba haka jingïakhun ba ar jong ka kyrdan (Super Division) ka kynhun ïalehkai jong ka Nongkhroh Mawsiang kala jop da 2-1 kol ïaka Ialong SC, ïa ki kol naka Nongkhroh Mawsiang la thep da u Deibanskhem Kharsati haka minit ba 12 bad u Ebris Myrboh haka minit ba 30. Ïa ka shikol na ka Ialong SC la thep da u Teibok Lyngdoh haka minit ba 58.
La pyntip ka jingïakhun lashai ka sngi 4.11.2026 haka kyrdan ‘1st Division’ kan long hapdeng ka Namdong-B pyrshah ïaka Evergreen SC haka por 11 baje mynstep. Katba haka kyrdan ‘Super Division’ haka por 2 baje shiteng nohphai sngi ka Nongkhroh Krem Kum pyrshah ïaka Wahiajer SC.
