Leit jurip ka MMDSL ïa CHC bad MCH ha Mahendraganj SWGH District ban sngewthuh ïa ki lad sumar

Shillong, Risaw 17: Ka kynhun na ka Meghalaya Medical Services and Diagnostics Limited (MMDSL) ki la leit ban jurip ïa ka Mahendraganj Community Health Centre (CHC) bad ïa ka Mahendraganj Maternal and Child Health (MCH) ban sngewthuh ïa ki lad jingsumar ba ki ai sha ki ki nongkyndong.
Ha kane ka jingleit ka kynhun jong ka MMDSL ki la jurip ïa ka Maternal and Child Health kaba dang shna mynta ha Mahendraganj, ka jaka sah jong ki nongtrei bad kane ka jingleit ka long ba kin sngewthuh ïa ki jingdon kam ki nongpang haba ki wan shah sumar.
Kane ka kynhun ka la pynlong ruh ïa ka jingïalang bad u Dr. Noor Ain Kham ba die peit ïa katei ka jaka sumar bad ha kane ka jingïakren kila ïakren kumno ban dang pynbha shuh shuh ïa ki lad jingsumar bad ka jingai ka jingshakri ha ki paidbah.
Ïa kane ka kynhun la synranlang da u Selim Miah, Sub-Inspector (SI); Imran Haque, Non-Communicable Diseases (NCD) Data Entry Operator (DEO); bad Riyaz Miah, Integrated Population and Health Action (IPHA) Manager.
Kane ka jingleit jurip ka long ban wat jingtip ïa ka jinglong ki jaka sumar sorkar bad ban ïakren bad ki ophisar kiba don ha jaka ba ki trei ban sngewthuh ruh ïa ka jingeh ka jong ki ha ka thaiñ Mahendraganj.