Shillong, Risaw 17: Ka Meghalaya School Welfare Development Association, seng kmie hadien ba kila ioh jingbit bad ka jingithuh kin sa pynlong ïa ka General Meeting jong ki skul Aided bad Unaided ha ka 20 tarik u Risaw.
Katkum ka kyrwoh khubor na u Bah H. M. Marbaniang uba dei u President ka Meghalaya Schools Welfare Development Association u la ong ba ka General Meeting jong ki skul Aided bad Unaided kiba hap hapoh ki District jong ka Khasi bad Jaintia Hills, ha ka por 11:30 mynstep, ha Khasi National Dorbar Hall, Shillong.
Ha kane ka jingïalang, ka Association kan ïakren bad ïatai ruh halor ka Memorandum sha ka Department of School Education and Literacy, Ministry of Education, sorkar India, kaba ïadei bad ka National Education Policy (NEP), ka jingpynkhlaiñ ïa ka kyrdan pule ba nyngkong (Foundational Stage), ka jingdonkam ban pynbiang ïa ki jingtei bad ki jingdonkam ha ki skul (School Infrastructure), bad ka jingdonkam ban pynjem ïa ki kyndon jong ka Pupil-Teacher Ratio (PTR) hapoh ka Right of Children to Free and Compulsory Education Act (RTE Act, 2009) kyrpang ia ka jylla Meghalaya.
Sa kiwei pat ki mat kiba kongsan ban ïa kren ha kane ka jingïalang ki long, 1. Notified List bad Enrolment Criteria, 2 Uniform Grant bad Composite School Grant na ka bynta baroh ki khynnah skul bad ki skul, 3 PM-POSHAN Scheme, 4. Ki jingeh bad ki mat kiba ïadei bad ki skul Permitted/ Recognised Unaided LP bad UP Schools, 5. Ka CM-IMPACT PLUS Grant-in-Aid Scheme na ka bynta ki Secondary bad Higher Secondary Schools, kumba la mynjur da ka kynhun Myntri (Hon’ble Cabinet) ha ka jingïalang kaba la long ha ka 15 tarik Nailur, 2026.
Ngi kyrpad ïa baroh ki President, Secretary, Principal, Headmaster, Headmistress, Head Teacher, ki dkhot SMC bad baroh ki Assistant Teachers jong ki skul ban ïa poi lang ryntih, ong u President.
Na ka bynta ka MSWDA Garo Hills Region u la pyntip ba ka jingialang kan long ha ka 30 tarik u Risaw, 2026 ha ka por 11.30 shi teng mynstep ha SMELC Building.
