Phah shithi pynthame ka sorkar jylla ynda la ïaid ka Mass Casual Leave

Ha kaba kut jong ka shuti mass casual leave jong ngi ki nonghikai kaba 3 sngi, nga hap ban ong ba ka la long ka jinghikai kaba khraw ïa ngi shabar jong ka kamra klas. Ka Sorkar ka la pyni ïa la ki rong ba shisha. Bad ka jingsuba jong ngi ba ki briew kiba bat ïa kane ka Sorkar bad ka tnad Pule Puthi kim don ka jingïatiplem ka long kaba la pynskhem. Balei pat kin shu thok (bluff) bad ïalam bakla tang shwa bad ha ka por ba ngi leit shuti paidbah. Ngi tip ïa ka jingïathuh khana jong ki. Ka Sorkar ha ka jingpyrshang jong ka ban pyntreikam ïa ka plan ba sniew jong ka halor ka rukom pynlut pisa bad ki nonghikai deficit bad ki nongtrei kiba duna pisa, ka la lum ïa ka jingbym shimkhia kaba biang khnang ban kyntait ïa ka jinglong hok jong ki jingdawa hok jong ngi.
Haduh shisnem, ngi la pyrshang ban wad ïa ka jingpynshisha ba u Myntri Rangbah ka Jylla um kwah ban ïakynduh ïa ngi. Bad wad ïa ka daw kaba don ha lyndet jong ka jinglong riewkhlaw jong u Myntri ka tnat pule puthi bad ka jingthok bad jingleh thok jong u Commissioner bad u secretary ka tnad pule puthi. Bad ki jinglong jingman bad ki kam bad ka jingsngap jar bad ki kot ki sla bapher bapher ki kdew sha kawei ka jingmut ba ka Sorkar ka mut ban pynmynsaw. Hato ka dei ka jingpynshitom beiñ? Hato ka dei ka jingkwah brai? Ngi don ka daw kaba biang ban ngeit ba ka long baroh ar.
Ngim sngewtynnad ban shu ïakynduh bad dih sha bad u Myntri Rangbah ka Jylla. Ngi kwah ba ki jingeh jong ngi kin shah pynbeit. Ki jingduh bad jingjynjar ki nangkiew tang man ka sngi. Ki nonghikai kiba la shongthait ki shah kyntait ïa ka jingburom bad ka burom bad ka jingsuk ha ka jingim ba la shongthait jong ki hadien ba ki la shakri bun snem.
Lada kane ka ai jingkmen ïa ki paidbah ha ka sorkar, ngim sngewsih ïa ki ïa kata ka kabu. Hadien ki jingpyrshang bym lah kheiñ ban pynmong ïa ki khynnah skul bad ki nonghikai, ka la nang eh ban shem ïa ki kyntien kiba bha na ka bynta kane ka sorkar kaba la pynïaid da uba la ong ba u long “u rangbah uba la nang la stad bha.”
Ki briew kiba kyrshan ïa ka jingleh donbor (sadism) jong kane ka sorkar ki lah ban ai jingthmu ïa ka jingkhihwin jong ngi. Hynrei, kane ka pynskhem tang ïa ka jingkut jingmut jong ngi. Wat lada napdeng kine ki don kiba kyrshan ïa ka jingleh jong ka sorkar ïa ki nonghikai deficit tang namar ba ki sngewthuh bakla, khamtam haba peit ïa ki buit, ki jingthok bad ki jingleh thok kiba bun jong ki briew ha ka sorkar bad ka tnad pule puthi, ngi long kiba kloi ban pynshai ïa ki.
Ka jingkut jingmut jong ngi ka kham khlaiñ mynta. Ngi ïada ïa ki para nonghikai bad ki nongtrei jong ka rukom hikai, ïa ki khynnah skul bym lah kheiñ kiba shaniah ha ka rukom hikai ban ïoh ïa ka jingpule bad ban pynthikna ïa ka lawei jong ki, bad kumjuh ruh ïa kiba bun ki samla kiba angnud ban noh synniang sha ka imlang sahlang lyngba ka rukom hikai.
Ngi dang shu pynkut ïa ka shuti paidbah kaba 3 sngi. Kumba la rai ha ka jingïalang ha ka 14.10.2026, ngin leit biang sha skul. Hadien ki Puja, ngi ju bishar biang. Ka long kaba suk, ngi ïoh ïa ki dues jong ngi ne ngi pynkulmar. Ka rukom hikai ha Meghalaya ka long kaba shngaiñ bad kaba shngaiñ ïa ki khynnah skul jong ngi lane ngi ïakhih pyrshah (agitate). Thik, kaei kaba ngin leh ban pynkhihwin yn sa pynbna hadien ka jingïalang jong ngi. Hynrei ym don jingleh donbor ne jingpynbyrngia na ka sorkar, sngewbha.
Ka Khasi Jaintia Deficit School Teachers Association (KJDSTA) hapdeng ka Mass Casual Leave kaba lai sngi, ha ka 14 tarik Risaw, 2026, ka la ïashong jingïalang ban ïamir jingmut halor ka shithi kaba la ïohpdiang na ka sorkar jylla haba ïadei bad ka jingpyllait noh ïa ka Dearness Allowance kaba sah jong ki nalor kiwei-kiwei ki pat
Halor kane u Babu Boswell Pala, kum u President, u la ong ba ka sorkar ka pyrshang ban leh buit tuh da kaba phah ïa katei ka shithi sha ki lad pathai khubor ynda la sdang ka Mass Casual Leave watla ka la dep phah sha ka Association naduh ka 08 tarik u Risaw, 2026 shwa ban kut ka jingbuh por.
U la ong ba ha katei ka shithi la kdew ba ka sorkar ka plie ïa ka jingkhang ban ïakren hynrei ki nonghikai ki khlem ïoh satia ïa kano kano ka jingpyntip halor kane ka bynta bad kdew haba ïadei bad jingkular ban siew ïa ka DA jong ki, ka long tang ka jingleh buit tuh ka sorkar jylla.
Nalor kata, u la ong ruh ba ka jingïakhih jong ki, ka long ka jingmyntoi ïa ki khynnah pule namar ba ki ïoh ïa ka jinghikai ba ki dei ban ïakhun ïa ka hok jong ki bad ban ïuh ïa ki kam thok da ka jingshisha.