Thaw ka BJP Meghalaya sa 10 tylli ki State Cell bathymmai kynthuplang ïa ki MLA barim

Shillong, Risaw 14 : Ka BJP Meghalaya ka la pynbna ïa ki 10 tylli ki State Cell bathymmai kum shi bynta ban pynïar ïa ka rukom treikam jong ka seng, hapoh ka jingïalam jong u President ka BJP ha ka jylla u Rikman G Momin.
Ha kane ka jingpynbna la donlang ka State Cells Coordinator, ka Deeya Rathore, bad u Co-coordinator, u Arvind Yadav.
Ka seng ka la pyntip ba ka la pynïasoh lang ïa ki MLA barim, ki nongïasaid aiñ ba rangbah, ki doktor, ki ophisar ba la shongthait bad ki riew shemphang ha ki kam bapher bapher, ban long ki Convenor bad Co-convenor jong kine ki Cell.
Ka Economic Cell yn ïalam da u MLA barim, u Bah Mohendro Rapsang. Ïa ka Intellectual Cell yn ïalam da u Dr Krishna Chauhan, katba u MLA barim, u Dr Jemino Mawthoh, un long u Co-convenor.
Ïa ka Legal Cell yn ïalam da u Senior Advocate, u S.P. Mahanta, ryngkat bad u Advocate Deimonmi Dkhar kum Co-convenor.
U Amit Sharma un long u Convenor jong ka Professional Cell, katba ka Cultural Cell yn ïalam da ka Monica Chanda, ryngkat bad ka Hanaliza Thangkhiew kum Co-convenor.
Ïa ka Medical Cell yn ïalam da ka Dr Indrani Bhattacharjee, ryngkat bad ka Dr Rita Tariang kum Co-convenor.
Ha ka Ex-Servicemen Cell, u Capt Anand Thapa (Retd) un long u Convenor, katba u Lt Col (Dr) Rakesh Puri (Retd) un long u Co-convenor.
U Anil Kumar Bajaj un ïalam ïa ka Traders Cell, u Uday Narayan Shukla ïa ka Sports Cell, bad ka Iaishah Rymbai ïa ka Weavers Cell, ryngkat bad ka Marian Maring kum Co-convenor.
Ka BJP ka la ong ba ka jingpynrung ïa kine ki riew shemphang bad kiba don ïa ka jingshemphang ha ki kam bapher bapher kan pynkhlaiñ shuh shuh ïa ka jingroi bad ka jingpynïar ïa ka seng ha ka jylla.