11 tarik Nohprah yn pynlong ka WJSU ïa ka 3rd Warjaiñtia Scholarship Competitive Examination

Amlarem, Risaw 15: Ka Warjaiñtia Students Union (WjSU), Central Body, Amlatdoh, Amlarem, lyngba ka Education Sub-Committee jong ka Seng, ka pyntip paidbah ba kan sa pynlong biang ïaka ‘3rd Warjaintia Scholarship Competitive Examination, 2026’ haka 11th December 2026 (Friday) naduh ka por 10:00 AM haduh 1:00 PM haki 16 tylli ki Examination Centre ha ka thaiñ Warjaintia, hapoh Amlarem Civil Sub-Division.
Haba pyntip ïa kane, u Bah Heartcasing Dkhar, Education Secretary ka WjSU ula ong ba ka thong jong kane ka eksamin ka long ban ai mynsiem bad kyntiew ïa ka pule puthi hapoh ka thaiñ Warjaiñtia bad ban pynmliem ïaki khynnah skul ba kin lah ban ïakhun ha ki eksamin bapher bapher bad kin shemphang shuh shuh ban tip ïa ki sawdong sawkun jong ka pyrthei bad ha ka lawei ka jingim jong ki kaba manla ka sngi.
Ki jingtip ba kongsan naka bynta ka Section-I ka long (Class IV – kiba la pass ha 2025), haka Section-II (Class VI – kiba la pass ha 2025) bad haka Section-III (Class VIII kiba la pass ha 2025).
Ïa ki Form lah ban ïoh ha ki Cyber / Dukan Xerox ha Iew Amlarem, ka tarik kaba khatduh ban thep Form kan long 5th (Saturday) December, 2026. Ka Syllabus ka long katkum ka MBOSE Syllabus (General Studies), ban tip kham bniah lah ban Phone ha u ne No: 9366081154 / 9366101960.
Ka Seng ka kyrpad ïa baroh ki Principal, Headmaster bad Headmistress jong ki skul hapoh Amlarem Civil Sub-Division ba kin sngewbha ban shimkhia ban pyntip sha baroh ki khynnah skul ba kin wan shim bynta haka “Competitive Examination” bad ban shim ïa kane ka kabu ksiar kabu rupa ïa ki khynnah kiba don ka sap.
Ha kajuh ka por ka Seng ka kyntu ïa ki Nonghikai, ki kmie ki kpa, ki khynnah skul lem bad kni paidbah ka thaiñ Warjaiñtia ban ñasnohkti lang bad ban ai ka jingñatreilang kaba pura na ka bynta kane ka Exam, khnang ki jingthmu bad ka thong babha ka Seng kan long kaba jop bad seisoh.
Ïa ki “examination centre” naka bynta kane ka 3rd Warjaiñtia Scholarship Competitive Examination 2026 kan long kumne 1) ha Mustem Examination Centre UPS: ka kynthup ïa ka Iongnoh, Mubyrni, Muphlang, Pynthorlangtein, Mustem.
2) Ha Mupyut Examination Centre Lai Shnong UPS: Samanong, Musakhia, Amsalang, Madantyrpaid, Shkenpyrsit, Mupyut.
3) Ha Thangbuli Examination Centre UPS: Shkentalang, Jarain, Amladkhur, Thangbuli.
4) Ha Pasadwar Examination Centre UPS: Kamsing, Karkhana, Lumpynngngad, Pasadwar.
5) Ha Muktapur Examination Centre Govt LP: Sankhat, Lakroh,Hawai Bhoi, Hawai Sutnga, Amsku, Amjalong Bhoi, Muktapur.
6) Ha Trangblang Examination Centre RMSA: Lerem Shyiap, Amsohrhong, Amlanai, Sapator, Trangblang.
7) Ha Syndai Examination Center Kmaishnong govt LPS: Twahusdiah, Jong U Chen, Amsohtai, Amjalong, Syndai.
8) Ha Pdengshakap Examination Centre Higher Sec School: Pdengkseh, Amlari,, Amtasam, Lerniang, Pdengshakap.
9) Ha Dawki Examination Centre Khasi Pnar Sec. School, U.P. School Bakur: Rhongkum, Amlympiang, Tamabil, Bakur, Dawki.
10) Ha Darrang Examination Centre Darrang Govt. U.P. School: Kongwang, lymba, Shnongpdeng, Darrang.
11) Ha Lamin Examination Centre, J.N.M Secondary School, U.P. School: Kudengthymmai, Sohkha Mission, Sohkha Shnong, Sohkha Model, Lamin.
12) Ha Nongtalang Examination Centre St. Joseph Sec. School, U.P. School Nongtalang: Nongtalang Combined.
13) Ha Nongbareh lynter Examination Centre: Nongbareh Lyntyer, U.P. School Nongbarehlyntiar, Amkoi, Nongbarehrim, Kudengrim, Nongbareh lyntiar.
14) Ha Padu Examination Centre, Padu Higher Secondary School, U.P. School Padubah: Mawngap, Padu Combine.
15) Ha Amlarem Examination Centre: Amlarem Secondary School Amlarem: – Roko, Amtapoh, Ammutong, Mawlong, Smiasyiang, Amshipai, Pdengkarong, Pamtabuh, Jaralud, Ladjaplem RJCOG, Syiemjingsuk, Amlarem Combined.
16) Katba ha Khonglah Examination Center U.P. School: Khonglah Combined.
Kane ka long katkum ka jingpyllait khubor na u samla Heartcasing Dkhar uba dei u Education Secretary, WjSU Central body.