Shah ther ka EC ha KHADC ba khlem buh dor ha ka Public Notice ba aiwai khyrdop

Shillong, Risaw 15: Ka Executive Committee ba la ialam da ka VPP ha KHADC kala shah ther ha ka liang pyrshah halor ka jingbym buh dor ïa ki khyrdop ba kala ai wai lyngba ka public notice sha ki paidbah.
U Chief Executive Member (CEM) ka Khasi Hills Autonomous District Council (KHADC) u Bah Winston Tony Lyngdoh u la ong ba la ai wai ha Athiabari ha ka dor T. 1, 20, 000 bad kawei pat ha Nongshram ha ka dor 80, 000.
Ïa kane u CEM u la jubab ha ka kynta kylli jingkylli ba la rah da u MDC ka Mawthengkut u Bah Srally Rashir.Na ka liang u MDC haba bynrap ïa ka jingkylli u kwah ban tip ba mynno la khot tender ban ai wai ïa kine ki khyrdop.
Na ka liang u CEM u la ong bay m shym la khot da ka tender hynrei la shu leh da ka notis paidbah kaba shu wah hapoh ka ophis trei kam ka KHADC bad na ka bynta ka Athiabari la ai ha ka 7 tarik u Jymmang 2026 bad ïa ka Nongshram la ai ha ka1 tarik u Naitung.
Shuh shuh u Bah Lyngdoh u la ong ba lada khot tender hap ban ai advertisement ha ki kor khubor hynrei da kaba shu leh da ka notis piadbah ne kata ka public notice ym donkam jinglut.
Ka shong ha ka EC kumno ban ai wai bad ha ki por kiba mynshwa ki EC bapher bapher kim pat ju don ban leh da ka notis paidbah.
Haba bynrap ïa ki jingkylli u MDC ka Langrin u Bah Pius Marwein u la ong ba ka EC kan leh kumno ïa ki tender ba la dep ai, hynrei kim lah pat ba khrong kum ha Cheragoan kaba don hapoh ka Constituency kaba mynshwa ym ju don hynrei tang hapoh 2 snem kala don.
Na ka liang u Bah Lyngdoh haba jubab u khlem lah satia ban jubab ha kaba iadei bad ka jingdon ka khyrdop ha Cheragoan bad u la shu kren beit ha kaba iadei bad ka khyrdop ba don ha Bakli bad Borsora.
Shuh shuh u Bah Lyngdoh u la ong, Hadien ba la dep ban ai wai, ym pat ioh jingujor bay m lah ban khrong bad ïa kiba ym don jingthoh ngin lah ban shim bad lada phi don ka sakhi ai lang sha ngi ka EC ban leh ïa kaba donkam.
U nongialam ka liang pyrshah u Bah Titosstar Well Chyne u la ong ka long ban ai copy sha ki MDC bad ha ka notis ka kdew ne em ïa ka dor bad ka don ne em ka por ba la buh ban don lang ki nongthep thep kyrteng ha ka sngi bap lie ïa ki envelop
U Bah Lyngdoh u la ong ba lada don kiba kwah copy jong ka public notice ki don ha office bad ïa ka dor ym shym la kdew ha ka pulic notice.
Haba ther ïa kane ka jingbym shem kdew ïa ka dor, ka MDC na Nongshken Ka Kong Garce Mary Kharpuri ka la ong, ka don jingmut aiu ba ki nongthep ki buh dor hi ïa ka dor bad balei ka tnad kam lah ban buh dor hi.