Jowai, Risaw 10: Ki resol jong ki jingïalehkai phutbol “Super Division” bad ka First Division League 2026 bala pynïaid daka East Jaiñtia Hills District Football Association (EJHDFA), kiba la long ha ka sngi Saitjaiñ, 10 tarik Risaw ha Artificial Diengshynrum, Khliehriat.
Haba phai sha ka jingïakhun jong ka lympung 6th Kyrmen Shylla Contribution Trophy League Stage 2026 haka kyrdan “Super Division” ka kynhun ïalehkai jong ka Thangskai Tiger SC kala jop da 7-1 kol ïaka R.Shkenshynriah SC. ïa ki kol naka Thangskai Tiger la thep da u Ksankupar Khongmalai haka minit ba 21, u Yomi-o- Syih haka minit ba 25, u Phransis Mukhim haka minit ba 41, u Wendi Nongtdu lai kol (hattrick) haka minit ba 43, 49 & 59 bad u Rukipaya Syrti haka minit ba 66.
Katba ïa ka shikol na ka R. Skhenshynriah SC la thep da u Dauruhi Pale haka minit ba 75.
Haka jingïakhun jong ka Thomas Nongtdu Memorial Trophy haka kyrdan 1st Division League 2026 ka Musniang SC kala jop da 3-0 kol ïaka Jalyiah Utd SC, ïa ki kol naka Musniang SC la thep da u Mardiphone Rymbai haka minit ba 47, u Dawansalan Malang haka minit ba 50 bad u Jespar Lamare haka minit ba 55.
