Jowai, Risaw 03: Ki jingïalehkai ‘Pre Quarter Final’ jong ka lympung (L) Joybell Suiam Memorial Football League 2026 haka kyrdan 2nd Division bala pynïaid daka Thadlaskieñ Sport Association kaba la long ha ka sngi Saitjaiñ, ka 03 tarik u Risaw, 2026 ha madan Wahiajer Multi Sports Complex Stadium.
Haba phai sha ka jingïakhun kaba nyngkong ka Lumkynsaw kala jop da 4-0 kol ïaka United FC, ïa ki kol naka Lumkynsaw la thep da u Chanbor Pale haka minit ba 1, u Armanki Lamare haka minit ba 19, u Shemphang Kharshohnoh haka minit ba 39 bad u Hellmi Passah haka minit ba 41.
Katba haka jingïakhun kaba ar ka Thadmusem kala jop da 7-0 kol ïaka Bamkamar, ïa ki kol naka Thadmusem la thep da u Samson Nongrum ha ka minit ba 16, 38 & 57, u Samuel Shadap haka minit ba 50 & 72, u Kermi Dkhar haka minit ba 45 bad u Johny Dkhar haka minit ba 49.
La pyntip ka jingïakhun haka sngi 05/10/2026 (Quarter Final) haka por 10 baje mynstep ka Lad Mukhla pyrshah ïaka Mynsngat Ryntih. Katba haka por 12 baje mynsngi ka Mupliang Good will pyrshah ïaka Namdong Christian Club.
