Nang pynbun u ma Sniawbha ïa ki jaka ai jinghikai pyntbit ïa ki samla pule

Shillong, Nailur 30 : U Symbud Myntri Rangbah bad MLA jongka Nartiang Constituency lyngba Ka Sniawbhalang Dhar Pathfinder Free Tuition Program 2.0 u la ïohi ïa ka jingïar ka jingai jinghikai ei lane free tuition ïa ki samla pule kumta u la kyntiew ïa ka jingdon jong ki Centre ka la kiew ar shah na ka 3 sha ka 6 bad ka jingpynrung kyrteng ki samla pule kala kiew sha ka 600 ngut.
ïa kane ka prokram la pynïaid da ka National People’s Youth Front (NPYF), 1-Nartiang Constituency bad ka dei ka jingai jinghikai ei sha ki samla pule ki ban ïakhun ïa ka eksam SSLC.
Ïa kine ki 6 tylli ki Centre la buh ha Ummulong, Wahiajer, Modop, Umladaang, Khanduli bad Namdong khnang ban ïarap ïa ki samla pule na ki skul bapher bapher jong ka constituency.
U president ka NPYF 1-Nartiang Block u Damechwa Dhar ula ai khublei ïa u MLA ka thaiñ uba dei ruh u Symbud Myntri Rangbah u Bah Sniawbhalang Dhar uba la kyrshan ïa kane ka jingai jinghikai Tution khlem da siew pisa.
U la ong ba ka jingai jinghikai khlem jingsiew kan long ka jingmyntoi kaba khraw ïa ki samla pule khamtam kito kiba wan na ki longïing kiba duk bad kito kiba sah ha ki shnong kiba jngai.
U bah Damechwa u la ong ba da ka jingkyrshan kaba ïai bteng jong u Symbud Myntri Rangbah, ka jingthmu ka long ban pynïar ïa ka Pathfinder Programme sha baroh ki bynta jong ka Nartiang constituency ha u snem ban wan khnang ba kham bun ki samla pule kin ïoh jingmyntoi.