EJHDFA: Jop ka Byndihati CSC ha ka Super Division, ka Khliehriat East YWSC ha ka 1st Division

Jowai, Nailur 29: Ka lympung ïalehkai phutbol jong ka kyrdan “Super Division” bad ka 1st Division League 2026 bala pynïaid daka East Jaiñtia Hills District Football Association (EJHDFA) kaba la long mynta ka sngi 29 tarik Nailur ha madan Artificial Diengshynrum, Khliehriat.
Haba phai sha ka jingïakhun jong ka 6th Kyrmen Shylla Contribution Trophy League Stage 2026 haka kyrdan “Super Division” ka kynhun jong ka Byndihati CSC kala jop da 5-0 kol ïa ka Rymbai Skhenshynriah SC, ïa ki kol na ka Byndihati CSC la thep da u Philemon Dkhar haka minit ba 17, u Pyrkhat Sumer haka minit ba 43 & 45+1, u Lungouhao Hangshing haka minit ba 40 bad u Ejingmut Lyngdoh haka minit ba 85.
Katba haka jingïakhun jong ka Thomas Nongtdu Memorial Trophy haka kyrdan 1st Division League 2026 ka kynhun jong ka Khliehriat East YWSC kala jop da 4-1 kol ïaka Jalyiah UTD SC, ïa ki kol na ka Khliehriat East YWSC la thep da u Roikhihbha Nongtdu haka minit ba 8 (Penalty) bad ka minit ba 14, u Kyntulang Nongwar haka minit ba 62 bad u Kyrshan Pasi haka minit ba 64. Ïa ka shikol naka Jalyiah UTD SC la thep da u Mehi Phawa haka minit ba 43.