Nailur 28: U Harmanpreet Singh (u la thep hat-trick, katba u Mandeep bad u Shilanand ki la thep mar ar sien ha kaba ka India ka la pynliem suk ïa ka Bangladesh haduh 10-0 ha ka 2026 Asian Games hynne ka sngi Nyngkong.
Da kane ka namjop ka India ka la pynkut ïa ka jingïalehkai group stage ha ka hockey da kaba jop san sien lynter bad pyndep ha khlieh duh jong ka Pool A da 15 point, bad kan ïakynduh pyrshah ïa ka kynhun kaba wan ba ar na ka Pool-B, ka Pakistan kaba kamai 12 point, ha ka semifinal.
Ka Pakistan bad ka India kidei ki kynhun ba seisoh tam ha ka jingïalehkai hockey ki shynrang ha ka Asian Games. Ka Pakistan ka la jop 8 tylli ki takma ksiar, katba ka India saw tylli.
Ka takma ba dang shen jong ka India ka la wan ha ka sienjam u snem 2023 ha Hangzhou da kaba pynliem ïa ka Japan da 5-1 ha ka phainal.
Ka sien ba khatduh ba ka Pakistan ka la poi sha ka phainal kadei ha u snem 2014, ba ka la shah rem noh da 2-4 ha ka India lyngba ka penalty shootout.
