Jowai, Nailur 21: Ka lympung ïalehkai phutbol jong ka kyrdan “Super Division” bad ka 1st Division League 2026 bala pynïaid daka East Jaiñtia Hills District Football Association (EJHDFA) ba la long hynne ka sngi Ba-ar ha Artificial Diengshynrum, Khliehriat.
Haba phai sha ka jingïakhun jong ka 6th Kyrmen Shylla Contribution Trophy League Stage 2026 haka kyrdan “Super Division” ka Sutnga SSCC kala jop da 3-0 kol ïaka R.Shkenshynriah SC. ïa ki kol la thep da u Kamkhosat Hoikip (61’), u Premio Muksor (73’) bad u Rivaldo Dkhar (OG) (76’).
Katba haka jingïakhun jong ka Thomas Nongtdu Memorial Trophy haka kyrdan 1st Division League 2026 hapdeng ka kynhun Jalyiah UTD SC bad ka Ladrymbai-B SC ki la kut ha ka jingïakhaid da mar 1-1, ka Jalyiah UTD SC kala thep lyngba u Rimiki Phawa (78’) katba ka Ladrymbai-B SC la thep da u Bishnu Bordoloi (44’).
