Jowai, Nailar 31: Ka Nongthymme SC bad ka Umrasiang UTD SC ki la jop ïa la ki jong ki jingïakhun Round-16 jong ka lympung 3rd Division 2026 League Stage bala pynïaid daka East Jaiñtia Hills District Football Association (EJHDFA) ba la long hynne ka sngi Nyngkong (31 tarik u Nailar, 2026) ha madan Artificial Diengshynrum, Khliehriat.
Kane ka jingjop ka la pynthikna ïa ki ïa ka jaka ha ka Quarter final
Haba phai sha ka jingïakhun kaba nyngkong hapdeng ka Nongthymme SC bad ka Marshaphrang YSC Donaskur, ka jingïalehkai ka la kut ha ka jingïakhaid khlem don kiba ïoh ban thep kol (0-0) haduh ba kut.
Hadien ka jingïakhaid na ka liang ki bor pynïaid kila pynïakhun noh da ka jingïashut Tie Breaker ha kaba ka kynhun ïalehkai jong ka Nongthymme SC kala jop da 7-6 kol.
Katba haka jingïakhun kaba ar ka Umrasiang UTD SC kala lah ba kan pynliem noh da 1-0 kol ïaka Lumputhoi SCSC, bad ïa kane ka namtam la thep da u Shynna Rymbai haka minit ba 31.
Da ka jingjop kine ki ar kynhun mynta ka sngi kila ïoh ban rung sha ka Quarter Final jong kane ka lympung.
