SHILLONG, Nailar 31: Ka Tynring SC bad ka Smit SC ki la jop ïa la ki jong ki jingïalehkai jong ka lympung Second Division Football league 2026 ba la pynïaid da ka Shillong Sports Association, kiba la long hynne ka sngi Nyngkong ha Polo.
Ka jingïakhun ba nyngkong ha SSA Ground, ka Tynring SC ka la pynliem noh da 3-0 ïa ka Jongksha SC, ha kaba u Nelsonroy Mynsong (29’) bad u Bakmenkordor Mylliem (70’) ki la thep mar shi kol. Ka la don ruh ka kol ba la kum thep hi da u rangïalehkai jong ka Jongksha, u Bakhrawman Nongspung, ha ka minit kaba 74.
Ka jingïakhun kaba bud ha MFA Ground, la sakhi ïa ka Smit SC kaba la pynjemkhnap ïa ka Nongmensong SC da 7-1 kol ban khur ïa ka jingjop. Ka Smit ka la pynkhihjar lyngba u Nathaniel Kharbangar (8 & 84’), u Damewanshan Nengnong (39’), u Andystar Kharsati (46’), u Banlumlang Kharsyntiew (58’), u Pynshailang Kharsyntiew (67’) bad u Eiller Chaste star Allya (89’).
Ka shi kol jong ka Nongmensong la thep da u Rijied Rymbai (38’).
Ki ar tylli ki jingïalehkai SSA 2nd Division ha kane ka sngi Baar (01.09.2026) ki long: Ha SSA Ground ha ka por 12:30 baje mynsngi ka Sohiong SC pyrshah ïa ka Sohryngkham SC: nangta ha MFA Ground ha ka por 1 baje mynsngi ka Lawsohtun SC kan ïakhun pyrshah ïa ka Umrynjah SC.
