Guwahati, Nailar 29: San ngut na ki 16 ngut na Assam, kiba sahkut ne jah rngai hadien ka jingshlei um ha Nepal, la pynthikna ba ki lait im, katba ïa ka jinglong jingman jong ki 11 ngut kiba dang sah, ym pat lah ban pynthikna.
Katkum ka thup ba la pyllait da ka Assam State Disaster Management Authority, kiba la pynthikna ba ki lait ki long u Pankaj Barman bad u Samar Bezbaruah na Nalbari district, bad u Shiva Marak, u Sarbison Marak bad u Elipson Sangma na West Karbi Anglong district.
Ha kane ka thup kyrteng ki don 16 ngut ki briew na Karbi Anglong, West Karbi Anglong, Golaghat, Hojai, Nalbari bad Kamrup Metropolitan kiba la iathuh ba ki la shah ktah ha kane ka apot.
Kiba dang sahkut ki kynthup ïa u Rhituopurno Brahma, u Montri Basumatary bad u Soneswar Narzary na Karbi Anglong, u Rahul Daimary na Golaghat, u Shatadal Nath na Hojai, u Pankaj Naug, u Dr Dipali Sarkar bad u Manash Kr Ghosh na Kamrup Metropolitan, u Arun Mahanta bad u Dr Tirtha Chaliha na Nalbari, bad u Birson Sangma na West Karbi Anglong.
Ka jingpyrshang ka dang ïaid shakhmat ban ïakynduh bad ki nongshong shnong ka Assam kiba shah ktah bad ban pynthikna ïa ka jingshngaiñ jong ki hadien ka jingshlei um ha Nepal.
