Kem ki pulit sa uwei u nongïalam ka KSU halor ki jingjia ha ka rally rah lama ïong da ki thuk thuk

Shillong, Nailar 24 : Ki Pulit ki la ïoh ban kem sa ïa uwei u nongïalam ka Khasi Students’ Union (KSU) ha ka Lah Sngi U Blei, haba ïadei bad ki jingjia ha ki kynta ïaid rally thuk thuk jong ka seng ba long ha ka 19 tarik Nailar.
Une u nongialam ka KSU u dei uba bat ïa ka kam Assistant Organising Secretary u samla Jeremiah Pohthmi bad la kem ïa u na ka thaiñ Nongmensong, ong u Superintendent of Police ka East Khasi Hill Bah Vivek Syiem haba ïakren bad ki nongthoh khubor.
U ïathuh ba ki Pulit kila rah tian bishar ïa u sha ïing Bishar bad pan ïa ka police custody.
Kat kum ka jingong ki Heh Pulit, u Jeremiah u dei uwei na ki san ngut ki riewtap khmat ba la ithuh dur khmat haduh mynta, kiba donkti ban leh ïa ki kam thombor khamtam ka jingthombor ïa ki kali Assam.
Shuwa ïa kane, ki Pulit ki la kem ia lai ngut ki nongïalam ba hakhmat ka KSU ba kynthup ïa u President u samla Raymong Kharjana, Vice President u samla Pynkmenlang Sanmiet bad General Secretary u samla Reuben Najiar haba ïadei bad kane kajuh ka jingjia.