Shillong, Nailar 13: U Bah Sanbor Shullai uba dei u MLA ka 19 South Shillong ha kajuh ka por uba dei ruh u Myntri Sorkar mynta ka sngi ka 13 tarik u Nailar u la rakhe ïa ka sngi kha kaba u la kynjoh 60 snem bad u la pyllait ruh ïa ka scheme ba 65 klur tam ka schem hapoh ka Constituency.
Ïa kane ka jingrakhe la pynlong ha State Convention ha ka jingsakhi lang i kurim ki khun ki kti lem bad kiba ha ïing ha sem ki nongkit kam ba ha khmat eh jong ka BJP ba kynthup ia u Rikman Momin, u Bah M Kharkrang, u Fr Richard Majaw ba shah khot kyrpang bad kiwei kiwei.
Kum shi bynta jong ka jingrakhe u Bah Sanbor u la ot ïa u cake ba la ai sngewbha da i kurim.
Na ka liang u Bah Sanbor Shullai haba kren u la ai khublei ïa u Myntri Rangbah ka jylla u Conrad K Sangma uba la iarap shikatdei eh bad ïarap ban pyntyllun ïa ki scheme pynroi hapoh ka Constituency bad kumjuh ruh ïa baroh ar ngut ki symbud myntri rangbah u Bah Prestone Tynsong bad u Bah Sniawbhalang Dhar.
Shuh shuh u Bah Sanbor u la pyntip ruh ba ka Constituency kan ioh ki madan ïalehkai football ba paka kaba dei katkum ka standart bad kynthup ia ka Madan Laban bad kawei patha Kynjat Phutbol bad sa kawei pat ha Contonment kaba don marjan bad ka jaka thang briew ka ilektrik kaba don ha Mawbah.
Ha kane ka sngi u Bah Sanbor u la khot sngewbha ïa ki nong shong shnong ka Constituency ban ïa don ryngkat lang ha kane ka jingrakhe sngi kha jong u bad kumjuh ruh ïa ki seng bapher bapher kiba hap hapoh ka 19 South Shillong.
