Khlem wanphai ïing u samla na Mawkyrdep naduh ka 1 tarik u Nailar, pan jingïarap ki pulit ban lap ïa u

Nongpoh, Nailar 07: Uwei u samla ba la tip kyrteng kum u Mebanteinam Ramshon 16 snem ka rta na ka shnong Mawkyrdep ha ka thaiñ Umroi, Ri Bhoi District, u la jah naduh ka 1 tarik u Nailar, 2026, bad haduh mynta um pat wanphai shuh sha la ïing.
Katkum ka jingtip ba la ïoh lum, la ong ba utei u samla u la kam ïalade kum u Brother bad u la pan jingïarap na ki paidbah ba kin ai bam bad jaka sah ïa u.
Na ka liang ki bahaïing bad ki pulit ki la kyrpad ïa kino kino kiba ïohi ne ïoh jingtip shaphang jong u, ba kin sngewbha ban pyntip mardor sha ki thanad ba hajan eh lane ha Umroi Police Investigation Centre (PIC) ha u nombar 9612922695, khnang ba yn lah ban lap biang ïa u.