Jowai, Nailar 07: U Deputy Commissioner (Supply) u la pynbna paidbah ba la pyllait ïa u khaw AAY, PHH bad u non-NFSA na ka bynta u bnai August, 2026 sha baroh ki wholesalers na ka bynta ban pynpoi sha ki FPS Centre.
Ïa ka bhah jong u khaw Antyodaya Anna Yojna (AAY) yn yn sam ha ka jingïoh kaba 35 Kg shi khlieh shibnai bad ym donkam siew dor (free of cost).
Ïa ka bhah u khaw Priority Household (PHH) yn sam ha ka jingïoh kaba 5 Kg shi khlieh shibnai bad ym donkam siew dor (free of cost).
Katba ïa ka bhah jong u khaw Non- NFSA yn sam ha ka jingïoh kaba 7.105 Kg shi card/ïing ha ka dor ba la pynbeit da ka Vigilance Committee bad ym dei ban die tam ïa ka dor Rs.14/- shi Kg.
La bthah ïa ki FPS dealer ba ki dei ban wan shim, ïa ki permit na ka ophis jong u Deputy Commissioner (Supply) bad ban sam pyndep hapoh 31st Nailar, 2026 khlem pep da kaba pyndonkam ïa ki e-Pos machine da ka online mode.
