La sam ïa ka Draft Electoral Roll jong ka Amlarem Constituency, kiew 85 tylli ki Polling Station

Amlarem, Nailar 05 : Ïa ka Draft Electoral Roll na ka bynta ka 7-Amlarem (ST) Assembly Constituency hapoh ka Special Intensive Revision (SIR), 2026, kaba la buh ïaka 1 tarik Nailar kum ka Qualifying data la pyllait mynta ka sngi ha Amlarem.
Ïa kane ka prokram la pynïaid da Dr. Kavery Rabha, MCS, Assistant Electoral Registration Officer (AERO) bad ula ai ruh ka jingkren ai khublei bud sa ka jingpynshai halor ki kam jong ka Special Intensive Revision (SIR) da u bah F.E. Shabong, Assistant System Engineer (Election). Na ka liang ka Electoral Registration Officer (ERO) kala aiti ïa ki kopi jong ki Draft Electoral Roll sha ki nongmihkhmat jong ki seng saiñ pyrthei ba la ithuh.
Haba kren ha kane ka sngi, ka ERO ka la ai khublei ïa baroh ki seng saiñ pyrthei kiba la ai ka jingïatreilang ha ka por ba pynlong ïa ka Special Intensive Revision. Ka ERO ka la pyntip ba ka jingpynmih ïa ka Draft Electoral Roll ka dei ka jingsdang na ka bynta ban pynbeit ïa ki jingduna, ka ban plie naduh ka 5 tarik u Nailar haduh ka 4 tarik u Nailur, 2026.
Ha ka juh ka por la kyrpad ïa ki seng saiñ pyrthei ba kin ai jingtip sha ki Booth Level Agents (BLAs) jong ki ban pynjlan ïa ka jingïatreilang sha ki Ophisar kiba lah ban pyntikan ïa baroh kiba thep vote kin ïoh rung ha ka electoral roll. Ki nongshong shnong ki lah ban aiti ïa ka Form 6 na ka bynta ban pynrung kyrteng, ka Form 7 na ka bynta ban pynbeit ïa ki kyrteng bad ïa ka Form 8. Ïa ki phorm lah ban ïoh na ki BLO ha ki Polling Station.
Katkum ka Special Intensive Revision, u bah F.E. Shabong ula pyntip hapoh ka Draf Electoral Roll ka kynthup haduh 40,650 ki nongthep vote, kaba long 19,477 ngut ki shynrang bad 21,173 ngut ki kynthei. ula pyntip kumba 192 tylli ki Enumeration Form la ïoh pdiang bad la dep ban pynurlong 100% ïa ka Digitization. Kumba long mynta haduh 1,474 tylli na ki 1,510 tylli ki Enumeration Form la pyndep kaba long 96.50%. ula pyntip bala pynrung sa lai tylli ki jaka thep vote thymmai (Polling stations), kaba la pynkiew ïa ka jingdon jong ki jaka thep vote ha baroh kawei ka konstitwensi na ka 82 sha ka 85.
U bah Shabong u la pyntip ruh ba ka por ban pynbeit ïa ki jingdonkam kan bteng naduh ka 5 tarik u Nailar haduh ka 4 tarik u Nailur, 2026 bad ka jingpeit bniah kan bteng haduh ka 3 tarik u Risaw 2026, katba ïa ka Final Electoral Roll la buh ban pynmih haka 7 tarik Lber, 2026.
U la bynrap haka tarik ba la pynmih ïa ka Draft Electoral Roll ki don 49 tylli ki aplikeshon hapoh ka Form-6, 6 tylli ki aplikeshon hapoh ka Form-7, bad 49 tylli ki aplikeshon hapoh ka Form-8 kiba la ïoh pdiang.
Ki nongmihkhmat jong ki seng saiñpyrthei bapher bapher, kiba kynthup ïa ka VPP, NPP, UDP bad INC, ki la wan ban ïashim bynta ha kane ka prokram bad pdiang ïa ka Draft Electoral Roll. La pynkut ïa kane ka prokram da ka jingkren ai khublei da u bah J. Tongper, UDA, Election Branch.