Shillong, Nailar 5 : U Myntri Rangbah ka Jylla u Conrad K Sangma ha ka sngi Balang ula ong ba ka Sorkar ka dang bishar bniah ïa ki daw ka jingshlei um ha Jorabat bad dang ïakren bad u Deputy Commissioner ban lap ïa ki lynti ba lah ban pynbeit mardor bad kiba neh shirta.
“Hooid, ngi dang bishar bniah ïa baroh ki bynta bad ngi la phaikhmat sha kino kino ki lad kiba ngi lah ban leh” ong u Conrad.
Ula pynpaw ba ka jingshna surok, khamtam ka bynta ba shakhrum jong ka flyover, ka lah ban dei ka daw ba lang kloi ka um bad shlei um kloi bha.
“Ka don ka jingtei hangtei namar ka jingshna surok. Ka jaka ba hakhrum ka flyover ka don kumba shiphut shapoh, kaba pynlong ïa ka um ban lang hangtei” ula ong.
“Ki lah ruh ban don kiwei ki daw. Kum ka Sorkar, ngi hap ban khmih ïa ki lynti ban pynduna ïa ka jing shah ktah u paidbah. Ngi don ka jingsngewkhia ïa kane, ka dei ka mat kaba kongsan ïa ngi” bynrap u CM.
