Jowai, Naitung 30: Ka Rotary Club Jowai (RCJ), kala pynlong ïa ka jingpynthymmai ïa ki nongkitkam ne ki dkhot jong ka na ka bynta u snem 2026-27. Ïa jingïalang la pynlong ha Borbon Hotel, Loomsoo Iung New-Hills Jowai, haka janmiet jong ka sngi Balang 29.07.2026.
Ïa kane ka jingïalang pynthymmai nongkitkam ka RC-Jowai la pynïaid da u President barim Rtn.R. Nongtdu. Ha kaba u kongsan ha kane ka sngi u dei u Rtn Dr. Mirnal Borthakur, MS, Assistant Governor RID, ha ka jingdonlang ryngkat ka lok jong u lem bad kiwei de kiba la shah khot sngewbha sha kane ka jingpynthymmai nongkitkam ka RC-Jowai.
U Dr. Borthakur haba kren, ula ong ba ka Rotary Club ka dei kawei na ki Club ba la ithuh ha baroh lang ha ka pyrthei. Na ka liang jong u Dr. Borthakur ula ai ka jingïaroh ïa ka RC Jowai ha kiba bun ki liang, u la ong ba bun ki kam ba ka Rotary Club ka trei na ka bynta ka bha ka miat ka imlang sahlang, U la ong ruh kumba long hi ka Rotary Club ka ju leh ïa ki kam ba bha na ka bynta ka imlang sah lang.
Na ka liang u Dr. Borthakur ula kitbok kirwiang ruh ïa kine ki nongkitkam ba thymmai ka Rotary Club Jowai, ba kin nangtrei bha bad pynïar shuh shuh ïa ka rukom treikam kaba kham bha shuh shuh ban ïa kine ki snem ba la leit.
Ha kane ka sngi la jied ïa u President ka RCJ Rtn S.K Lato, President Elect Rtn E.S Gatphoh, Vice Presdent Rtn Awhai Andrew Shullai, Secretary Rtn R.E Laloo, Join Secretary Dawan Biam, Seargent At Arm Rtn Montri Pasah, Club Administration Chair DF Majaw, membership Chair Rtn JM Pohsngap lem bad kiwei de ki nongkitkam ka Rotary Club Jowai.
