Jowai, Naitung 24: Ka Jaiñtia Hills Truck Owners Association (JHTOA) ha kane ka sngi saitjaiñ 23 tarik u Naitung kala ïoh ban pynthymmai ïa ki nongkitkam jong ka haka jingïalang kaba la long ha Phramer, West Jaiñtia Hills.
U President ba thymmai ka seng ma Biangshwa Shylla ula ïathuh ba haduh mynta ka seng kam pat don ïa ka ophis treikam la jong, kumta ka seng kala i donkam ban ïoh noh da ka ophis treikam ba pura bad ka seng kan pyrshang ban wad ki lad ki lynti ban thied noh ïa ka jaka na ka bynta ban ïoh pynlong ïa kino kino ki jingïalang.
Na ka liang utei u President ka seng ula pynsngew ba kane ka Executive Committee ba thymmai kan treishitom na ka bynta ka bha ka miat jong ki trai bad nongñiah trok baroh.
Ha kane ka sngi la ïakren ruh halor ki kam kiba ïadei bad ka rukom pynbeit thymmai da ka sorkar ïa ka dor jong ka bai kit ïa ka Dewbilat bad u Clinker na ki karkhana, namar ïa kane ka kam ruh ka dang sahteng khlem da pyntreikam haduh mynta bad ka seng kan ïai buddien ïa kane.
Ha ka juh ka por ka seng kala rai ban pdiang ïa kino kino kiba don trok hapoh Ri-Lum Jaiñtia ba kin long kum ki dkhot ba pura ka seng.
La pynsngew ïa ki nongkitkam ba thymmai ka seng kiba kynthup ïa u President – Biangshwa Shylla, Vice President – Bikin Pasleiñ, Chairman – Working Ryngkhlem, General Secretary – Suiam, Asst Secretary – Beterborn Sungoh, Treasurer – Showmiwell Kyndait, Publicity Secretary -M. Tyngkan, Adviser – Pyrkhat Shylla lem bad ki 11 ngut ki Executive Member.
