Wan ïashim bynta haduh 281 ngut ki khynnah kynthei bad shynrang ha ka ‘State Talent identification’ ha Jowai

Jowai, Naitung 24: Ki 281 ngut khynnah ïalehkai na West Jaiñtia Hills kila wan poi sha ka ‘State Talent Identification 2022’ ha kane ka sngi saitjaiñ jong ka 23 tarik, bala pynlong da ka Meghalaya State Olympic Association bad ka Department of Sport and Youth Affairs ha ryngkat ka jingïatreilang bad ka Edge 10 Group.
Kane ka jingwan jurip rang ïalehkai ki kynthup na ka bynta ka 20 M Sprint, 10 M ladder run, Compass Drill bad ka vertical jump kaba la long ha Kiang Nangbah Indoor Stadium, Ladthadlaboh, Jowai ha ryngkat ka jingdonlang ki bor pynïaid jong ka ophis u District Sports Officer, West Jaiñtia Hills.
Kitei ki khynnah shynrang bad kynthei na West Jaiñtia Hills kila la wan ïashim bynta sha kane ka State Talent Identification 2022 kila ïoh ka lad ban pynpaw pyrthei ïala ki sap ki pong ba ki don kaba la pynhun shisha ïa ka kynhun ki nongwan jurip bala ïalam da u Ian Cambell uwei na ki nongïalehkai jong ka Australian Olympian bad u Alistar Tail, International Global Coach.
Na ka liang u Ian Cambell ula ai ka jingïaroh ïa u Working President Meghalaya State Olympic Government, Government of Meghalaya u bah John F Kharshiing bad kumjuh ïa ka ophis u DSO, West Jaiñtia Hills kila la lah ban pynïaid beit pynïaid ryntih ïa kane ka jingthmu bad ula ai ka jingkitbok kitrwiang ïa ki nongwan ïashim bynta baroh.