Shillong, Naitung 26: Ka khubor ba la ïoh na ki pulit la ïathuh ba u Baharul Alom u la phah ka jingujor ba ha ka 21 tarik mynta u bnai, ki runar bym lah ban ithuh ki la tuh ka thuk thuk jong u kaba don u nombar AS-01FZ-1003 na ka parking lot ha Police Bazar, Shillong.
Shuh shuh ki pulit ki la ïathuh ba u Bah Harby More Lyngdoh u la phah ka jingujor ba ha ka 21 tarik mynta u bnai ha ka por kumba 3 baje mynstep, ki runar bym lah ban ithuh ki la tuh ka thuk thuk jong u kaba don u nombar ML-05AD-7019 napoh ka compound ïingsah kaba ha Mawpat Nongkynjoin Block-III, Shillong.
Ha kawei pat ka jingjia u Bah Bah Nicky Supuh u la phah ka jingujor ba hapdeng ka miet jong ka 20 & 21 tarik mynta u bnai, ki runar bym lah ban ithuh ki la tuh ka scooter jong u kaba don u nombar ML-05Z-4324 na Mawpat Shaw-Shaw, Shillong.
