Shillong, Naitung 21: Ka Pipilmoris Wanniang ka la shah kyntiew kyrdan sha ka Category 5 football referee hadien ba ka la lah ban pyndep ïa ka Upgradation Practical Examination 2026.
ïa kane la pynbna da ka All India Football Federation ha ka sngi Ba ar.
Ki Category 5 referees bad ki assistant referees kidei ki nongpynïaid (match official) kiba la bit ban lah ban pynïaid ïa baroh ki jingïalehkai ha ka kyrdan jong ka ri lane National-level.
Ka Meghalaya Football Association ka don ïa ka bynta kaba kongsan, ha ka jingïatreilang bad ka sorkar jylla Meghalaya, na ka bynta ban kyntiew ïa ka jingïalehkai ha ka jylla, naduh ki kyrdan ïalehkai kiba rit haduh kiba heh, ki lympung jong ki kynthei, ka jingpyntbit ïa ki nongpynïaid ïalehkai bad ka jingpynlong ïa ki jingïalehkai phutbol kiba ha khlieh duh.
Ha kine ki khyndiat bnai ba la dep ar ngut kiwei pat ki nongpynïaid jingïalehkai ki la ïoh ïa ka kyrdan Category 5 – u referee u Pynskhemhame Mawthoh bad u assistant referee u Jespar Syiemlieh.
