Shillong, Naitung 15: Ka Sei La Sap FCC ka la pynliem noh ïa ka Weilyngkut Area FCC da 3-1 ha ka jingïakhun Semi final kaba ar jong ka lympung U-20 Fourth Division 2026 ba la pynïaid da ka Shillong Sports Association, hynne ka sngi Balang ha madan First Ground-SSA Stadium.
Da kane ka jingjop ka Sei La Sap kan pynkhreh ban aireng pyrshah ïa ka Mawpdang SC, kaba la jop ïa ka semi final ba nyngkong hynnin ka sngi da 2-1 pyrshah ïa ka Golflink SC, ha ka jingïakhun kaba kongsan tam ban ïaknieh ïa ka nam lahduh.
Ka Seila Sap FCC ka la lamkhmat ïa ka kylla step lyngba ka kol jong u Leo F Marbaniang ha ka minit kaba 23 shuwa ba un pynskhem ïa ka jingjop da kaba pynbud ïa ka kol kaba ar ha ka 62 minit jong ka kylla miet.
Ka Weilyngkut Area ka la pynduna ïa ka jingshah tam kol da kaba pynphai kawei lyngba u Sengrak Sangma ha ka minit kaba 70 hynrei ka Seila Sap ka la pynthikna khlem jingartatien da kaba thep ïa kaba lai lyngba u Mebaniohnam Lyngdoh (72’).
Ka jingïakhun phainal kan long ha ka 18 tarik Naitung ha ka por 3:30 nohphai sngi, ha madan First Ground-SSA Stadium.
