Ka jingbymkhia ka sorkar bad DEO ha Lum Survey mynta ka kylla ktem khaïi drok bad ki kam runar

Shillong, Naitung 8: Ka Hynñiewtrep Youths’ Counil (HYC) ka pynrem jur ?a ka Sorkar Jylla bad ia ka ophis jong u Defence Estate Oficer namar ka jingbym leh eiei jong ki ban pynkynriah ?a ki nongshong beain ki briew ha Lum Survey, kaba mynta ka la kylla long ka jaka pdeng jong ki nongshong be-aiñ, ka jingkhaii drok bad ki kam runar hapdeng ka nongbah Shillong.
Katkum ka kyrwoh khubor u Bah Roy Kupar Synrem uba dei u President ka HYC u la ong, Ka HYC ka pynpaw ba ba jingïai pyndonkam da ka daw ba “ka kam ka dang don ha ïingbishar” ka long kaba pynbakla bad ym lah satia ban pdiang.
“Ka mukotduma kaba don ha ïingbishar ka dei tang halor lai ngut ki briew kiba kam hok halor shibynta jong ka jaka.Ym lah ban pyndonkam ïa kane kum ka daw ban shu sngap jar halor ki pynta kiba dang sah jong ka Lum Survey, kiba la shah kurup bad shah shong be-aiñ da ki briew kiba shu wan shong thap khlem da ioh kano kano ka bor” ong ka kyrwoh na u Bah Synrem.
Shuh shuh u Bah Synrem u la pynpaw, “Ka Seng ka pynpaw shai ba ka jingbym leh eiei jong ka Sorkar bad ka ophis Defence Estate ban weng ïa kine ki nongshong be-aiñ ka la pynlong ïa ka Lum Survey ban kylla long ka jaka kaba roi ka jingïakhaïi drok bad kiwvei kiwei ki kam sniew bad ki kam runar”.
U Bah Synrem u la ong, Kine ki briew ba shong be-ai? ym tang ba ki la kurup ïa ka jaka sorkar hynrei ki la pynkylla ruh ïa ka kum ka jaka rieh tngen jong ki runar bad buh jingma pat ïa ki shnong ba marjan bad khamtan ïa ki samla jong ka Sor Shillong hi baroh kawei.
“Ka HYC ka pynpaw ba lada ka Lum Survey ka la kylla mynta ka pdeng jong ki kam sniew kiba ïadei bad u drok, ka jingkitkhlieh ka hap beit ha ka Sorkar Jylla bad ha ka ophis jong u Defence Estate Officer namar ka jingbym sngap, ka jingbym shimkhia bad ka jingbym leh eiei jong ki.Ka jingbym leh jong ki ka la ailad ïa ka jaka paidbah ban shah kurup da ki nongshong be-aiñ bad ïa ki kynhun runar ban Kharoi hapoh ka jingiohi jong ki bor ba dei peit” ong ka kyrwoh.
Namarkata, ka Seng ka dawa ba dei ban weng noh noh mar mar ia baroh ki nongshong be-aiñ kiba shong ha kito ki bynta jong ka Lum Survey kiba ym hap hapoh ka mukotduma kaba dang ïaid ha iingbishar, u la ong.
“Ka HYC ka maham ba lada ki bor ba dei peit ki dang bteng ban shu peitkai, ki hi kin dei ban shim kitkhlieh ïa ka jingroi jong ka jingbym shngaiñ bad ka jingktah ïa ka bha ka miat jong ka imlang sahlang nanar ka jingbym pyntreikam ia ka aiñ” ong u Bah Synrem.
Ki paidbah kim lah shuh ban sngap jar katba ka jaka sorkar bad defence ka shah pynkylla sha ka shnong be-aiñ bad ka jaka rieh jong ki kynhun die droks hapoh ka jingiohi jong kita hi ki bor ba la bynta ban ïada ïa ka.Ka por jong ki daw jingsngap mynthi ka la kut.Lada ka Sorkar bad ka Defence Estate Office kim shim khia mardor, ka HYC kan sa shim ïa ki sienjam kiba donkam ban pynkitkhlieh paidbah ?a ki bor ba dei peit halor ki kam ba ki leh bad ki kam ba ki bym shym lah leh na ka bynta ki briew ba shong beain ha Lun Survey, la maham ka HYC.